லியோ படத்தில் இருந்து சர்ச்சைக்குரிய சொல் நீக்கம்.. லோகேஷ் பேட்டி..!
லோகேஷ் கனகராஜின் இயக்கத்தில் ‘தளபதி’ விஜய் நடித்த லியோ திரைப்படம் நாளை வெளியாக இருப்பதால் ரசிகர்களால் மிகவும் எதிர்பார்க்கப்படுகிறது. லியோ LCU (லோகேஷ் சினிமாடிக் யுனிவர்ஸ்) இன் ஒரு பகுதியாக இருக்குமா இல்லையா என்பது இப்போது நீடித்திருக்கும் கேள்வி, இதற்கான பதில் நாளை தெரியவரும்.
தமிழகம் தவிர கேரளா மற்றும் கர்நாடகாவில் அதிகாலை 4 மணிக்கே படம் வெளியாகும். தமிழ்நாட்டில் படத்தின் FDFS காலை 9 மணிக்கு இருக்கும். புதுச்சேரி அரசு காலை 7 மணி காட்சிகளுக்கு அனுமதி அளித்துள்ள நிலையில், இப்படத்தின் எஃப்.டி.எஃப்.எஸ் காட்சி தேசிய தலைநகர் டெல்லியில் காலை 9 மணிக்கு தொடங்குகிறது.
இதற்கிடையில், லியோவின் தெலுங்கு பிரீமியர் மட்டும தடை விதிக்கப்பட்டுள்ளது, ஏனெனில் நீதிமன்றம் அக்டோபர் 20 ஆம் தேதி வரை படத்தை வெளியிட தடை விதித்தது. ‘லியோ’ என்ற டைட்டிலின் உரிமை தனக்கு இருப்பதாகவும், படத்தைத் தயாரிப்பாளர்கள் பெயரை மாற்றக் கோரினார்.
லோகேஷ் கனகராஜின் இயக்ககத்தில் குறிப்பாக கமல்ஹாசன்-நடித்த விக்ரம் படத்தின் மூலம் இந்தியா முழுவதும் வெற்றி பெற்றதைத் தொடர்ந்து, லியோ திரைப்படத்திற்கான எதிர்பார்ப்புகள் அதிகரித்து வருகின்றன. மேலும் சஞ்சய் தத், த்ரிஷா, அர்ஜுன், கௌதம் வாசுதேவ் மேனன், மிஷ்கின் மற்றும் மன்சூர் அலிகான் ஆகியோர் முக்கிய வேடங்களில் நடித்துள்ள இப்படத்திற்கு அனிருத் ரவிச்சந்தர் இசையமைத்துள்ளார்.
இதற்கிடையில், ரஜினிகாந்த் சமீபத்தில் லியோவுக்கு தனது வாழ்த்துகளை தெரிவித்தார். படம் மாபெரும் வெற்றியடைய வாழ்த்துகிறேன் என்று ரஜினிகாந்த் தெரிவித்துள்ளார்.
இதனிடையே, இயக்குனரான லோகேஷ் கனகராஜ் பிரபல தொலைக்காட்சி ஒன்றுக்கு அளித்த பேட்டியில் டிரைலரில் இடம் பெற்றிருந்த அந்த சர்ச்சைக்குரிய சொல்லை படத்திலிருந்து நீக்கிவிட்டோம் என தெரிவித்துள்ளார்.
