BB jodigal மேடையில் பாவனிக்கு I LOVE YOU சொன்ன அமீர்.. வைரலாகும் வீடியோ !
விஜய் தொலைக்காட்சியில் ஒளிபரப்பான பிக் பாஸ் சீசன் 5 மூலம் பிரபலம் அடைந்தவர்கள் அமீர் - பாவனி. நிகழ்ச்சியில் இவர்கள் செய்த விஷயங்கள் இவர்களை காதலர்கள் என கிசுகிசுக்கும் அளவிற்கு மாறிவிட்டது.
ரெட்டை வால் குருவி, பாசமலர் போன்ற சீரியல் தொடர்களில் நடித்துள்ள பாவனி, சின்ன தம்பி சீரியல் தொடர் மூலம் பிரபலம் ஆகி ரசிகர்கள் மனதில் இடம் பிடித்தவர். சீரியல் தொடர்கள் மட்டுமல்லாது சில திரைப்படங்களில் முக்கிய கதாபாத்திரங்களில் நடித்துள்ளார்.
இவர் தெலுங்கு சீரியல் நடிகர் பிரதீப் என்பவரை காதல் திருமணம் செய்து கொண்டார். ஆனால், பிரதீப் எதிர்பாராத விதத்தில் தற்கொலை செய்து கொண்டது இவரை பெரிதும் பாதித்தது. அந்த சங்கடத்தில் இருந்து மீண்டு வந்து சீரியல்கள் மற்றும் நிகழ்ச்சிகள் மூலம் கம் பேக் கொடுத்து வரும் பாவனி, அமீருடன் காதலில் இருப்பதாக தகவல்கள் உலா வருகிறது.
அமீர் உங்களில் யார் அடுத்த பிரபு தேவா, கிங்ஸ் ஆப் டான்ஸ் போன்ற பிரபல நிகழ்ச்சிகள் மூலம் நடன இயக்குனராக சின்னத்திரையில் வலம் வருபவர். பிக் பாஸ் நிகழ்ச்சிக்கு பிறகு, அவ்வப்போது ஒன்றாக சுற்றி வரும் இந்த ஜோடியின் புகைப்படங்கள் சமூக வலைத்தளங்களில் வைரல் ஆவது வழக்கம்.
இந்நிலையில், இவர்கள் BB ஜோடிகள் சீசன் 2 நிகழ்ச்சியில் இவர்கள் பங்கேற்றுள்ளனர். இந்த பிக் பாஸ் ஜோடிகள் சீசன் 2ல் போட்டியாளராக,வேல்முருகன் - இசைவாணி, ஐக்கி - தேவ்,அபிஷேக் - ஸ்ருதி ,ஹாரத்தி - கணேஷ் ,சுஜா - சிவகுமார் மற்றும் பல பிபி ஜோடிகள் நிகழ்ச்சியில் கலந்துகொண்டு பட்டய கிளப்பி வருகின்றனர்.
தற்போது இந்த வார நிகழ்ச்சிக்கான புதிய ப்ரோமோவை விஜய் தொலைக்காட்சி வெளியிட்டுள்ளது. இந்த வார நிகழ்ச்சியில் கிராமம் மற்றும் சிட்டி என்ற தலைப்பில் போட்டியாளர்கள் நடனம் ஆடி உள்ளனர். இதில் அமீர் மற்றும் பாவனி முதல்வன் படத்தில் இடம்பெற்ற உப்புக்கருவாடு பாடலுக்கு ஆடியுள்ளனர்.
இந்த நிகழ்ச்சியில் மேடையில் அனைவரது முன்பும் பாவானிக்கு ஐலவ்யூ என்று கூறியுள்ளார் அமீர். இதனை கண்ட ரம்யாகிருஷ்ணன் அதிர்ச்சியடைந்துள்ளார். இந்த ப்ரோமோ வீடியோ தற்போது வெளியாகி வைரலாகி வருகிறது
