'விக்ரம் 3' படத்தில் தளபதி விஜய்? விஜய்யுடன் நடிப்பது குறித்து மேடையில் பேசிய கமல்.. வைரலாகும் வீடியோ!
கமல்ஹாசன் நடிப்பில் 4 வருட இடைவெளிக்கு பிறகு வெளியாகவிருக்கும் திரைப்படம் தான் விக்ரம். 1986ம் ஆண்டு கமல், அம்பிகா, சத்யராஜ் நடிப்பில் வெளியான திரைப்படம் விக்ரம்.
ராக்கெட் ஏவுதளத்தில் இருந்து கடத்தப்பட்ட ராக்கெட்டை கண்டுபிடித்து, மீட்பது தான் அப்படத்தின் கதை. மிகப் பெரிய பிளாக்பஸ்டர் படமான அப்படத்தை ராஜசேகர் இயக்கி இருந்தார்.
தற்போது 34 ஆண்டுகளுக்கு பிறகு அதே டைட்டிலில் கமலை வைத்து, கைதி, மாஸ்டர் போன்ற வெற்றி திரைப்படங்களை இயக்கிய லோகேஷ் கனகராஜ் இயக்கியுள்ளார்.
ராஜ் கமல் பிலிம்ஸ் சார்பில் கமல் ஹாசன் இப்படத்தை தயாரித்துள்ளார். இப்படத்திற்கு அனிருத் இசையமைத்துள்ளார்.
விக்ரம் திரைப்படத்தில் விஜய் சேதுபதி, பகத் பாசில், காயத்ரி, காளிதாஸ் ஜெயராம், சூர்யா என மிகப்பெரிய நட்சத்திர பட்டாளமே நடித்துள்ளது. பான் இந்தியா படமாக 5 மொழிகளில் இந்த படம் ரிலீஸ் செய்யப்பட உள்ளது.
இப்படம் வருகிற ஜூன் 3ம் தேதி திரையரங்குகளில் பிரம்மாண்டமாக ரிலீசாக உள்ளது. உதயநிதியின் ரெட் ஜெயண்ட் மூவீஸ் நிறுவனம் இப்படத்தை வெளியிடுகிறது.
விக்ரம் படத்தின் இசை மற்றும் டிரைலர் வெளியீட்டு விழா சென்னையில் பிரம்மாண்டமாக நடைபெற்றது. இப்படத்தில் இருந்து வெளியான அனைத்து பாடல்களும் ரசிகர்கள் பேவரைட் ஆக மாறிவிட்டது.
இப்பாடலை கமல் ஹாசன் தனது சொந்த லிரிக்ஸ் மற்றும் குரலில் பாடியிருந்தார். இப்படத்தில் நடிகர் கமல்ஹாசன் கேங்ஸ்டராக நடித்துள்ளார்.
இதன் ட்ரைலர் நேற்று வெளியாகி நல்ல வரவேற்பை பெற்று இப்படத்தின் எதிர்பார்ப்பை கூட்டியுள்ளது. ட்ரைலரில் சண்டை காட்சிகள், கோபம், சூர்யாவின் சிறப்பு தோற்றம் என பலதும் ரசிகர்கள் பேசி வந்த நிலையில், லோகேஷ் கனகராஜ் ட்ரைலர் மூலம் கதையை பற்றி எந்த மாதிரியான ஹின்ட் எதுவும் தெரிவிக்கவில்லை.
கமல் தற்போது பல நடிகர்களின் படங்களை தயாரித்து வருகிறார். தற்போது, வெளியாகவுள்ள விக்ரம் படத்திற்கும் இவரது தயாரிப்பு நிறுவனம் தான். சிவகார்த்திகேயன் நடிக்கும் ஒரு படத்தை தயாரிக்கின்றார்.
அதோடு, விஜய் மற்றும் சூர்யாவிடமும் இதுக்குறித்து கமல் பேசியுள்ளார். அதற்கு அவர்கள் இருவருமே ஓகே சொன்னதாக தகவல் வெளியாகியுள்ளது. இதனால், கமல் அவர்களின் ராஜ்கமல் நிறுவனம், வரும் நாட்களில் பல சர்ப்ரைஸ் அறிவிப்புக்களை வெளியிடலாம் என எதிர்ப்பார்க்கப்படுகிறது.
இந்நிலையில், சமீபத்தில் நடந்த விக்ரம் புரமோஷன் விழாவில் கமல்ஹாசனிடம், ‘விக்ரம்’ படத்தின் 3ம் பாகத்தில் தளபதி விஜய்யை எதிர்பார்க்கலாமா? என ரசிகர் கேட்டார்.
அதற்கு பதிலளித்த கமல் ஹாசன், ‘விக்ரம் 3’ படத்திற்காக ஏற்கனவே ஒருவரை தேர்வு செய்து வைத்துள்ளோம் என்று சூர்யாவை மறைமுகமாக கூறிய கமல், ஆனால் அதே நேரத்தில் விஜய் ஒப்புக் கொண்டால் அவரை வைத்து படம் தயாரிக்கவும் ராஜ்கமல் பிலிம்ஸ் தயாராக உள்ளது என பதில் அளிக்கவே கூட்டத்தில் ஆரவாரம் கிளம்பியது.
#Vikram 3 is commited to one person and you might know now who he is 🔪🔥
— Suriya Trends Kerala (@TrendsSuriyaKL) May 29, 2022
~ @ikamalhaasan Sir @Suriya_offl #VaadiVaasal #Suriya pic.twitter.com/GVuyojzt1U