'மேகம் கருக்காதா' பாடல் பாணியில் போஸ் கொடுத்த விக்னேஷ் சிவன் - நயன்தாரா !
கேரளா மாநிலத்தை சேர்ந்த நயன்தாரா, 2004ம் ஆண்டு ஹரி இயக்கத்தில் வெளியான ஐயா படம் மூலம் தமிழ் திரையுலகில் ஹீரோயினாக அறிமுகமானார். இதனைத் தொடர்ந்து, அடுத்தப்படமே சூப்பர்ஸ்டார் ஜோடியாக சந்திரமுகி படத்தில் நடித்தார். இப்படத்தில் ஹோம்லியான லுக்கில் சில கதாபாத்திரங்களில் நடித்திருந்தார்.
கஜினி, சிவகாசி, வல்லவன் போன்ற போன்ற படங்களில் சூர்யா, விஜய், சிம்பு போன்ற தமிழ் டாப் நடிகர்களுடன் நடித்தார். கடந்த சுமார் 20 ஆண்டுகளில், தமிழ், தெலுங்கு, மலையாளம், கன்னடம் போன்ற அனைத்து தென்னிந்திய மொழி படங்களில் நடித்து தென்னிந்திய திரையுலகின் லேடி சூப்பர்ஸ்டாராக வலம் வருகிறார்.
கோலமாவு கோகிலா, டோரா, கொலையுதிர் காலம் போன்ற படங்களில் நடித்து தனக்கென இடத்தை பிடித்தார். இதன் நடுவே, நானும் ரவுடி தான் படத்தில் நடித்ததன் மூலம் அப்படத்தின் இயக்குனர் ஆன, விக்னேஷ் சிவன் உடன் காதல் ஏற்பட்டு 7 ஆண்டுகளுக்கு மேலாக காதலித்து வந்தனர்.
மகாபலிபுரத்தில் கடந்த ஜுன் 9ம் தேதி நயன்தாரா - விக்னேஷ் சிவன் திருமணம் நடைபெற்றது. இவர்களின் திருமண புகைப்படங்கள் இணையத்தில் செம ட்ரெண்ட் ஆகி வந்தது. திருமணம் முடிந்த கையோடு கோவில், நயன்தாரா சொந்த ஊரான கேரளா, தேனிலவு சென்றது என அனைத்து புகைப்படங்களும் இணையத்தில் வைரல் ஆனது.
நயன்தாரா - விக்னேஷ் சிவன் திருமணத்தை ஒளிபரப்பு செய்ய பல ஓடிடி தளங்கள் போட்டி போட்டு, கடைசியாக பெரிய தொகைக்கு நெட்ஃபிளிக்ஸ் தளம் ஒளிபரப்பு உரிமத்தை வாங்கியது. இயக்குனர் கவுதம் மேனன் இயக்கத்தில் இவர்களின் திருமண வீடியோ வெகு விரைவில் வெளியாகவுள்ளது குறித்து netflix டீசர் வீடியோ ஒன்றை வெளியிட்டது.
இந்நிலையில், தற்போது நயன்தாரா - விக்னேஷ் சிவன் பார்சிலோனா சுற்றுப்பயணம் சென்றுள்ளதாக விக்னேஷ் சிவன் புகைப்படம் எடுத்து பதிவிட்டுள்ளார். இதனால், இவர்கள் 2வது முறையாக தேனிலவு சென்றுள்ளதாக ரசிகர்கள் கூறி கமெண்ட் பதிவிட்டு வருகின்றனர்.
தற்போது பார்சிலோனாவில் எடுத்த ஸ்டில்களை விக்னேஷ் சிவன் வெளியிட்டு இருக்கிறார். அது தற்போது இணையத்தில் அதிகம் வைரல் ஆகி வருகிறது.
இதை தொடர்ந்து, தற்போது விக்கி மிகவும் ரொமான்டிக் புகைப்படம் ஒன்றை வெளியிட்டுள்ளார் அதில், நயன்தாராவுக்கு நெற்றியில் முத்தம் கொடுப்பது போல விக்னேஷ் சிவன் போட்டோ ஷேர் செய்துள்ளார்.
செஸ் ஒலிம்பியாட் போட்டி முடிந்ததும் நயன்தாரா உடன் ஸ்பெயின் நாட்டிற்கு சுற்றுலா சென்றார் விக்னேஷ் சிவன். அங்கிருந்து பல புகைப்படங்களையும், வீடியோக்களையும் விக்னேஷ் சிவன் தொடர்ந்து சமூக வலைத்தளங்களில் பதிவிட்டுவருகிறார் .
இந்நிலையில், தற்போது, தனுஷ் பாடிய மேகம் கருக்காதா பாடல் பாணியில் இருவரும் போஸ் கொடுத்துள்ளனர். இந்த புகைப்படம் செம வைரலாகி வருகிறது.