'வாத்தி' பட சிங்கிள் அப்டேட்.. வெளியான சூப்பர் போஸ்டர்
2002ம் ஆண்டு வெளியான துள்ளுவதோ இளமை திரைப்படத்தின் மூலம் திரையுலகில் அறிமுகமானவர் நடிகர் தனுஷ். இவர், இயக்குனர் செல்வராகவன் அவர்களின் தம்பி மற்றும் தயாரிப்பாளர் - இயக்குனர் கஸ்தூரி ராஜா அவர்களின் மகன் ஆவார்.
காதல் கொண்டேன், திருடா திருடி, சுள்ளான், புதுப்பேட்டை போன்ற படங்களில் நடித்ததன் மூலம் தனக்கென்ற தனி ரசிகர் பட்டாளத்தை உருவாக்கியுள்ளார். பொல்லாதவன், ஆடுகளம், 3, வேலையில்லா பட்டதாரி, வடசென்னை, கர்ணன் போன்ற படங்கள் மூலம் செம ஹிட் ஆகிவிட்டார். நடிகராக மட்டுமின்றி தயாரிப்பாளர், இயக்குநர், பாடலாசிரியர், பாடகர் என பல அவதாரங்கள் எடுத்துவிட்டார்.
தனது திறமை மூலம் பல விமர்சனங்களையும் தாண்டி பாராட்டுகளையும் விருதுகளையும் குவித்து வருகிறார். ஒல்லியாக இருக்கும் இவனெல்லாம் ஹீரோவா என கேலி கிண்டல் பேசியவர்கள் தற்போது இவர் ஹாலிவுட், பாலிவுட் வரை சென்றது பார்த்து விடாமுயற்சியால் விஸ்வரூப வெற்றிபெற்று தமிழ் சினிமாவில் உச்ச நட்சத்திரமாக வலம் வருகிறார்.
இந்த வருட தொடக்கத்தில் நடிகர் தனுஷ் ஐஸ்வர்யாவுடனான 18 வருட வாழ்க்கையை முடித்துள்ளதாக அறிக்கை வெளியிட்டார். அது அனைவருக்குமே அதிர்ச்சியாக தான் இருந்தது. விவாகரத்து பெற்ற தனுஷ் தனது மகன்களுடன் அவ்வப்போது அதிக நேரம் செலவிட்டு வருகிறார். மீண்டும் இருவரும் சேரப்போவதாக அவ்வப்போது தகவல் வெளியாகி வருகிறது.
தற்போது, செல்வராகவன் இயக்கத்தில் நானே வருவேன், திருச்சிற்றம்பலம், கேப்டன் மில்லர், டோலிவுட்டில் வாத்தி, ஹாலிவுட்டில் தி கிரே மேன், என அடுத்தடுத்து பிசியாக இருந்து வருகிறார் தனுஷ். தற்போது, தனுஷ் ஹாலிவுட்டில் நடித்துள்ள தி க்ரே மேன் படம் 22ம் தேதி நெட்பிளிக்ஸ் ஓடிடி தளத்தில் வெளியாகியுள்ளது.
திருச்சிற்றம்பலம் படத்தின் சிங்கிள் அடுத்தடுத்து ரிலீஸ் ஆகி வருகிறது. இதன் நடுவே, இன்று தனுஷ் தனது 39வது பிறந்தநாளைக் கொண்டாடும் நிலையில், வாத்தி படத்தின் பர்ஸ்ட் லுக் போஸ்டர் நேற்று வெளியானது. இதில் தனுஷ் இரண்டு வேடங்களில் நடித்து இருப்பதாக கூறப்படுகிறது. தனுஷ் பிறந்தநாளை முன்னிட்டு இதன் டீசர் இன்று வெளியாக உள்ளது.
மேலும், செல்வராகவன் - தனுஷ் கூட்டணி இணையும் படம் ‘நானே வருவேன்’ படத்தின் போஸ்டரும் நேற்று வெளியானது. அடுத்தடுத்து வரும் அப்டேட்களால் தனுஷ் ரசிகர்கள் மகிழ்ச்சியில் கொண்டாடி வருகிறார்கள்.
இந்நிலையில், நாகவம்சியின் சித்தாரா என்டர்டெயின்மென்ட் நிறுவனம் தயாரிப்பில் பிரபல தெலுங்கு இயக்குனர் வெங்கி அட்லூரி இயக்கும் திரைப்படம் ‘வாத்தி’. இப்படத்திற்கு தமிழில் ‘வாத்தி’ என்றும் , தெலுங்கில் ‘சார்’ (Sir) என்றும் வைக்கப்பட்டுள்ள்ளது. தேசிய விருது வென்ற எடிட்டர் நவீன் நூலி எடிட்டிங் செய்கிறார். இந்த படத்திற்கு G V பிரகாஷ் இசையமைத்துள்ளார்.
கல்வித்துறையை அடிப்படையாக கொண்டு உருவாக்கப்பட்டு வரும் இத்திரைப்படத்தின் படப்பிடிப்பு முழுவீச்சில் நடைபெற்று வருகிறது. தனுசுக்கு ஜோடியாக நடிகை சம்யுக்தா மேனன் நடிக்கிறார். இந்நிலையில், தனுஷின் பிறந்தநாளைமுன்னிட்டு வாத்தி படத்தின் டீசர் வெளியாகி நல்ல வரவேற்பை பெற்றது.
சாய்குமார், சமுத்திரகனி உள்ளிட்ட பலர் நடித்துள்ளனர். இந்நிலையில், ஜி வி பிரகாஷ் தனது ட்விட்டர் பக்கத்தில் ‘வாத்தி’ படத்தின் சிங்கிள் பாடல் நவம்பர் 10ம் தேதி வெளியாகும் என அறிவித்துள்ளார். மேலும் இந்த பாடலை தமிழில் தனுஷ் எழுதி உள்ளதாகவும், தெலுங்கில் ராமஜோகையா சாஸ்திரி எழுதி உள்ளதாகவும் அவர் அறிவித்துள்ளார்.
The first single from #Vaathi #SIRMovie written by our @dhanushkraja (Tamil) & @ramjowrites ( Telugu ) is all set to release on November 10th#VenkyAtluri @iamsamyuktha_ @_ShwetaMohan_ @vamsi84 @adityamusic @dopyuvraj @NavinNooli #SaiSoujanya @Fortune4Cinemas @SitharaEnts pic.twitter.com/5opRKWbKbA
— G.V.Prakash Kumar (@gvprakash) November 6, 2022
