RJ பாலாஜி கதைக்கு OK சொன்ன தளபதி விஜய்.. ரகசியத்தை உடைத்த RJ.. செம மாஸ் கூட்டணி..
RJ, காமெடியன், இயக்குனர், கிரிக்கெட் கமெண்டேட்டர், நடிகர், தொகுப்பாளர் போன்ற பல அவதாரத்தில் திரையுலகில் வலம் வருபவர் RJ பாலாஜி. 92.7 பிக் FM என்னும் ரேடியோ சேனலில் பணியாற்றியதன் மூலம் பிரபலம் அடைந்தவர்.
அதனைத் தொடர்ந்து, நைட் ஷோ வித் RJ பாலாஜி, டேக் இட் ஈஸி, க்ராஸ் டாக் போன்ற நிகழ்ச்சிகள் மூலம் ரசிகர்கள் மனதில் நல்ல இடத்தை பிடித்தார்.
இதன் பின்னர், தொலைக்காட்சி நிகழ்ச்சிகளில் தொகுப்பாளராக பணியாற்றி வந்த பாலாஜி, தீயா வேலை செய்யணும் குமாரு, வடகறி, நானும் ரவுடி தான், புகழ், வாயை மூடி பேசவும், காற்று வெளியிடை, வேலைக்காரன் போன்ற பல திரைப்படங்களில் முக்கிய கதாபாத்திரங்களில் நடித்துள்ளார்.
மேலும், ஜல்லிக்கட்டு போராட்டம், வெள்ளம் போன்ற பிரச்சனைகளின் போது மக்கள் சார்பில் ஆதாரவு குரல் கொடுத்து தோள் கொடுத்து நின்றவர்.
இவரது பேச்சு மக்களால் மிகுதியாக ரசிக்கப்பட்டு வருகிறது.
நயன்தாரா நடிப்பில் வெளியான மூக்குத்தி அம்மன் படத்தில் இயக்குனராக அறிமுகமானார்.
இப்படம் வெற்றியடைந்ததை அடுத்து பாலிவுட்டில் ஆயுஷ்மான் குர்ரானா நடிப்பில் வெளியாகி வெற்றி பெற்ற பதாய் ஹோ படத்தை தமிழில் ரீமேக் செய்துள்ளார் ஆர்.ஜே.பாலாஜி.
அதன்படி வீட்ல விசேஷம் என பெயரிடப்பட்டுள்ள இப்படத்தை என்.ஜே.சரவணனுடன் இணைந்து இயக்கி உள்ளார் ஆர்.ஜே.பாலாஜி.
சத்யராஜ், அபர்ணா பாலமுரளி, ஊர்வசி உள்ளிட்டோர் முக்கிய கதாபாத்திரத்தில் நடித்துள்ளனர்.
இப்படத்தை போனி கபூர் தயாரித்துள்ளார். இப்படம் வருகிற ஜூன் 17ம் தேதி ரிலீசாக உள்ளது. இந்நிலையில், ‘வீட்ல விசேஷம்’ படத்தின் டிரைலர் ரிலீஸ் ஆகி நல்ல வரவேற்பை பெற்றது.
கலாட்டாவான காமெடி திரைப்படமாக இப்படம் உருவாகி இருக்கிறது. திருமண வயதில் இருமகன் இருக்கும் போது, ஊர்வசி கர்ப்பமாக இருக்கிறார். தந்தையாக சத்யராஜ் நடித்துள்ளார்.
இதனால், ஆர்.ஜே.பாலாஜியை பார்த்து ஊரே கலாய்ப்பது என காட்சிகள் அமைந்துள்ளது. இப்படத்தில் குக் வித் கோமாளி புகழ் முக்கிய வேடத்தில் நடித்துள்ளார்.
இப்படம் கடந்த 17ம் தேதி வெளியாகி நல்ல விமர்சனங்களை பெற்று வருகிறது. வித்தியாசமான கதை, கலகலப்பான டயலாக் என மக்கள் ரசிக்கும் வண்ணம் அமைந்துள்ளது.
இப்படத்தின் சக்சஸ் மீட் நடந்துள்ளது. அதில் RJ பாலாஜி சுவாரஸ்யமான தகவல் ஒன்றை வெளியிட்டுள்ளார். கடந்த் ஜனவரி 27ம் தேதி RJ பாலாஜி நடிகர் விஜய்யை சந்தித்து அவரிடம் கதையை கூறியுள்ளாராம்.
2 மாதத்தில் அந்த கதையை எழுதி, ஒரு 40 நிமிட கதையை அவரிடம் கூறினாராம் பாலாஜி. அந்த லைன் கேட்டு விஜய்க்கு பிடித்து போனாதாகவும், “காமெடியாக மூக்குத்தி அம்மன் திரைப்படம் போல உங்க ஸ்டைலில் ஒரு கதையை எதிர்பார்த்தேன். ஆனால் இது ரொம்ப பெருசா இருக்கே. இந்த கதையை உருவாக்க இன்னும் எவ்வளவு டைம் ஆகும்” என விஜய் கேட்டுள்ளாராம். அதற்கு பாலாஜி இன்னும் ஒரு வருடமாவது ஆகும் என்றதாகவும், உங்களுக்கு மட்டுமின்றி அனைவருக்கும் பிடித்த படமாக உருவாக்க இந்த ஒரு வருட காலம் கண்டிப்பாக தேவை என அவர் கூறினாராம்.
இதனால், விரைவில் ஆர்ஜே பாலாஜி - விஜய் கூட்டணியில் உருவாகும் திரைப்படம் குறித்து தகவல் வெளியாவது உறுதி என தெரிகிறது.
