சின்னக்கலைவாணர் விவேக் சாலை திறப்பு..! சந்தோஷத்தில் இருக்கும் நடிகர் விவேக்கின் குடும்பம்.. வீடியோவுடன் இதோ..!
காமெடியோடு சேர்த்து சமூக அக்கறை உள்ள கருத்துக்களும் மக்களுக்கு சொன்னவர் நடிகர் விவேக். அவர் கடந்த வருடம் ஏப்ரல் 17ம் தேதி மாரடைப்பால் மரணம் அடைந்தார். அவரது திடீர் மரணம் ரசிகர்களுக்கு பெரிய அதிர்ச்சியை ஏற்படுத்தியது.
சமீபத்தில் விவேக் மனைவி மற்றும் குடும்பத்தினர் விவேக் நினைவாக அவர் வீடு இருக்கும் தெருவுக்கு அவருடைய பெயரை சூட்ட வேண்டும் என்று கோரிக்கை விடுத்திருந்தனர்.
1 லட்சத்திற்கு மேல் மரக்கன்றுகள் நட்ட மறைந்த நடிகர் விவேக், முன்னாள் குடியரசுத்தலைவர் அப்துல் கலாமுக்கு பிடித்த நடிகர். அப்படியொரு நடிகரான விவேக் குடும்பத்தினர் அவர் இல்லம் அமைந்துள்ள தெருவிற்கு அவர் பெயரை சூட்ட வேண்டும் என மனு அளித்தார்.
மனுவை பெற்றுக்கொண்ட முதல்வர் ஸ்டாலின் உடனடியாக விவேக் பெயரை சூட்ட வேண்டும் என அரசாணையை வெளியிட உத்தரவிட்டார். வரும் மே மாதம் 3 ஆம் தேதி அதன் பெயர் பலகை திறப்பு நிகழ்ச்சி நடைபெற உள்ளது என தெரிவித்தார்.
இந்நிலையில், சின்னக் கலைவாணர் விவேக் சாலை என்ற எழுதப்பட்டிருந்த பெயர் பலகை திறப்பு விழா இன்று நடைபெற்றது. இதில் அமைச்சர் மா.சுப்ரமணியம் கலந்து கொண்டு அந்த பெயர் பலகையை திறந்து வைத்தார். இந்த நிகழ்வின் போது நடிகர் விவேக்கின் மனைவி, மகள்கள் மற்றும் குடும்பத்தினர் உடன் இருந்தனர். சொன்னதை சொன்னபடி செய்த முதல்வர் மு.க.ஸ்டாலினுக்கு பாராட்டுக்கள் குவிந்த வண்ணம் உள்ளன.
சின்னக்கலைவாணர் விவேக் பெயரில் , சென்னையில் தெரு பெயர் அறிவிப்பு நிகழ்ச்சி. @RajivGandhi_DMK @arivalayam @Actor_Vivek #vivek #விவேக் pic.twitter.com/HY1yiQcvNq
— meenakshisundaram (@meenakshinews) May 3, 2022