பிக்பாஸ் வீட்டிற்கு செல்வதை உறுதி செய்த பிரபல தமிழ் பட நடிகர்.. வைரலாகும் போட்டோ
விஜய் தொலைக்காட்சியில் மக்கள் ஆர்வத்துடன் எதிர்பார்த்து காத்திருக்கும் நிகழ்ச்சியில் பிக் பாஸ் ஒன்று. பரபரப்புக்கும் விறுவிறுப்புக்கும் பஞ்சமில்லாத பிக்பாஸ் (BiggBoss) நிகழ்ச்சியில்,கமல் அவர்கள் தொகுத்து வழங்க தமிழில் இதுவரை 5 சீசன் முடிந்துள்ளது.
இந்நிலையில், ‘பிக் பாஸ் அல்டிமேட்’ நிகழ்ச்சியை கமல் 3 வாரமும், மீதம் சிம்பு அவர்களால் தொகுத்து வழங்கப்பட்டது. இதையடுத்து, அடுத்த சீசன் துவங்க இருப்பதாக தகவல் வெளியாகியுள்ளது.
OTT தள 24 மணி நேர ஷோவில் 5 சீசன்களில் பங்கேற்ற போட்டியாளர்கள் சிலர் பங்கேற்றனர். பிக்பாஸ் அல்டிமேட் நிகழ்ச்சியை முதல் 3 வாரம் கமல் ஹாசன் தொகுத்து வழங்கி வந்த நிலையில், அரசியல், ஷூட்டிங் என பிசியாக இருப்பதால் விலகுவதாக கமல் கூறி விட்டு விலகவே, சிம்பு மீதமிருந்த வாரங்கள் தொகுத்து வழங்கினார்.
பிக்பாஸ் சீசன் 6 நிகழ்ச்சி துவங்கவதற்கான ஏற்பாடுகள் மற்றும் போட்டியாளர்கள் தேர்வு விறுவிறுப்பாக நடந்து வரும் நிலையில், வரும் அக்டோபர் 9ம் தேதி தொடங்கவுள்ளதாக அறிவிப்பும் வெளியானது.
இதுதவிர இதுவரை எந்த சீசனிலும் இல்லாத வகையில், இம்முறை பொதுமக்களில் ஒருவர் பிக்பாஸ் போட்டியாளராக கலந்துகொள்ள இருக்கிறார். இதற்காக நேர்காணல் வைத்து அந்த ஒரு போட்டியாளரை தேர்ந்தெடுக்கும் பணி தற்போது விறுவிறுப்பாக நடைபெற்று வருகிறது.
பிக்பாஸ் சீசன் 6 நிகழ்ச்சியில் கலந்துகொள்ள உள்ள போட்டியாளர்கள் குறித்த விவரங்களும் அவ்வப்போது வெளியான வண்ணம் உள்ளன. அதன்படி மைனா நந்தினி, சீரியல் நடிகை ஸ்ரீநிதி, மதுரை முத்து, பாடகி ராஜலட்சுமி, சீரியல் நடிகை ஆயிஷா, விஜே மகேஸ்வரி, சீரியல் நடிகர் மணிகண்டன், அமுதவாணன், டான்ஸ் மாஸ்டர் ராபர்ட், ஜிபி முத்து, மாடலிங் ஷரினா, ஷில்பா மஞ்சுநாத், ரக்ஷன், ரோஷினி, ராஜா ராணி 2 சீரியல் நடிகை அர்ச்சனா பங்கேற்க இருப்பது தெரியவந்துள்ளது.
இதில் அதிகாரப்பூர்வமாக யாரெல்லாம் பிக்பாஸ் வீட்டுக்குள் செல்லப் போகிறார்கள் என்பதை பொறுத்திருந்து தான் பார்க்க வேண்டும். 18 பிரபலங்களும் ஆறு சாமானியர்களுடன் ஒளிபரப்பாக உள்ளதாம் பிக் பாஸ் ஷோ.
வரும் ஞாயிறு முதல் பிக்பாஸ் நிகழ்ச்சி தொடங்கவுள்ள நிலையில், பிக்பாஸ் வீடு எப்படி இருக்கும் என்பது குறித்த Exclusive போட்டோஸ் மற்றும் வீடியோ இணையத்தில் வைரலாகி வருகிறது.
வீட்டின் அனைத்து இடங்களிலும் பெண்மையை குறிக்கும் விஷயங்களும், ஒரு பெண்ணின் அவுட்லைன் ஓவியம், பூ டிசைன், படுக்கையறையில் பூக்களின் டிசைன், பிரம்மாண்ட ரோஜாப்பூ டிசைன் என லேடிஸ் ஸ்பெஷலாக இந்த 6வது சீசன் கான்செப்ட் உள்ளதாக தெரிகிறது.
பிக் பாஸ் 6 வீட்டுக்குள் செல்லும் போட்டியாளர்கள் பற்றிய விவரம் வெளியாகி உள்ள நிலையில், தற்போது டான்ஸ் மாஸ்டர் ராபர்ட் பிக் பாஸ் போட்டியாளராக பங்கேற்பது ஒரு புகைப்படம் மூலம் உறுதியாகியுள்ளது. கொரோனா பரவலுக்கு பிறகு, கடந்த 2 சீசன்களாக, போட்டியாளர்கள் அனைவரும் தனிப்படுத்தப்பட்டு தான் பிக்பாஸ் வீட்டிற்குள் அனுப்பப்படுகின்றனர்.
அந்த வகையில், தற்போது பிக் பாஸ் செல்லும் முன்பு டான்ஸ் மாஸ்டர் ராபர்ட் quarantineல் இருக்கும் சில போட்டோக்களை வெளியிட்டு இருக்கிறார். ஒரு ஹோட்டல் அறையில் அவர் தங்கி இருக்கும் போட்டோ தான் அது. பிக் பாஸ் செல்லும் முன் இப்படி இருக்கும் போட்டோவை அவர் வெளியிட்டு இருப்பதால், அவர் பிக் பாஸ் செல்வது கிட்டத்தட்ட உறுதி என பலரும் தெரிவித்து வருகிறார்கள்.
டான்ஸ் மாஸ்டர் ராபர்ட், நிறைய படங்களில் டான்ஸ் மாஸ்டராகவும், சில படங்களில் நடிகராகவும் நடித்துள்ளது குறிப்பிடத்தக்கது.
