'இரவின் நிழல்' 1st Non Linear Single Shot படம்னு பார்த்திபன் சொல்றது பொய்.. புகைப்பட ஆதாரத்துடன் சர்ச்சையை கிளப்பிய ப்ளூ சட்டை மாறன்
இயக்குனர் பார்த்திபன் இயக்கத்தில் பார்த்திபன், வரலக்ஷ்மி சரத்குமார், ஆனந்த கிருஷ்ணன் மற்றும் பலர் நடிப்பில் உருவாகியுள்ள திரைப்படம் இரவின் நிழல். இப்படம் சிங்கிள் ஷாட்டில் எடுக்கப்பட்ட திரைப்படம். இப்படத்திற்கு ஆஸ்கர் நாயகன் ஏ.ஆர்.ரஹ்மான் இசையமைத்துள்ளார்.
படத்தின் டீசர் மற்றும் ட்ரைலர் பார்த்த ரசிகர்கள், இப்படத்திற்கு நிச்சயம் ஆஸ்கர் விருது கிடைக்கும் என பாராட்டி வந்தனர். படத்தின் முதல் 30 நிமிடங்கள் படத்தின் மேக்கிங் வீடியோ, அதற்கு பிறகு இன்டர்வெல் தொடர்ந்து, 96 நிமிடங்கள் Non linear Single shot ல் எடுக்கப்பட்ட திரைப்படம்.
50 வயதாகும் ஒருவர் தனது வாழ்க்கையில் நடந்த நிகழ்வுகள், அதன் இருண்ட பக்கங்களை திரும்பிப் பார்ப்பது தான் படத்தின் கதை. இதை த்ரில்லிங், சுவாரஸ்யம் கலந்து ஆரம்பம் முதல் முடிவு வரை விறுவிறுப்பாக சொல்லி இருக்கின்றார்களாம்.
இப்படம் உலகமெங்கும் ரிலீசாகி உள்ளது. பார்த்திபன் இயக்கிய படங்களில் அதிகாலை காட்சி போடப்பட்ட முதல் படம் இரவின் நிழல் தான். ரசிகர்களிடம் இப்படத்திற்கு இருந்த எதிர்பார்ப்பை கருத்தில் கொண்டு தமிழகம் முழுவதும் அதிகாலை காட்சிகள் திரையிடப்பட்டன. படத்தை பார்த்த ரசிகர்கள் டுவிட்டர் வாயிலாக தங்களது விமர்சனங்களை பதிவிட்டு வந்தனர்.
இப்படத்திற்காக பார்த்திபனுக்கு ஆஸ்கர் விருது கிடைக்கும் என்றும் ரசிகர்கள் நம்பிக்கை தெரிவித்து இருந்தனர். முதல் நாளில் பெரும்பாலான இடங்களில் இப்படம் ஹவுஸ்புல் காட்சிகளாக ஓடியதால் பாக்ஸ் ஆபிஸிலும் நன்கு வசூலித்துள்ளதாக கூறப்படுகிறது.
இந்நிலையில், சர்ச்சைக்குரிய பிரபல விமர்சகரான ப்ளூ சட்டை மாறன், பார்த்திபனின் இரவின் நிழல் படம் ட்வீட் ஒன்றை செய்துள்ளார். அதன்படி இப்படத்தை உலகின் முதல் Non Linear சிங்கிள் ஷாட் படம் என்று பார்த்திபன் சொல்வது உண்மையில்லை என பதிவிட்டுள்ள மாறன், ஏற்கனவே Fish & Cat என்கிற ஈரானிய திரைப்படம் 2013ம் ஆண்டே இதே Non Linear முறையில் சிங்கிள் ஷாட் படமாக எடுக்கப்பட்டு உள்ளதாக குறிப்பிட்டுள்ளார்.
Parthiban claims that Iravin Nizhal is WORLD'S FIRST non linear singe shot film. But that is not true. It was Iranian film Fish & Cat 2013.
— Blue Sattai Maran (@tamiltalkies) July 16, 2022
World's reputed film magazine agrees the same:
Fish & Cat experiments with nonlinear narrative - https://t.co/WoVtyvTAj3#IravinNizhal pic.twitter.com/tbiHdU2GTW