ஒரு செகண்ட்ல நயன்தாரான்னு நினைச்சிட்டோம் – நியூ லுக்கில் போட்டோ வெளியிட்ட வாணி போஜன்..!
சீரியல் நடிகையாக மக்கள் மனதை கவர்ந்தவர் நடிகை வாணி போஜன். இவர் ஏற்கனவே கிங்ஃபிஷர் ஏர்லைன்சில் பணிப்பெண்ணாக 3 ஆண்டுகள் பணிபுரிந்தார். இவர் இந்த துறைக்கு வருவதற்கு முன்னர் மாடல் அழகியாக தனது கெரியரை ஆரம்பித்தார். அதன் மூலம் கிடைத்தது தான் சீரியல் வாய்ப்புகள். விஜய் தொலைக்காட்சியில் ஒளிபரப்பான ஆஹா தொடரில் அறிமுகம் ஆனார்.
தொடர்ந்து ஜெயா டிவியில் மாயா, சன் தொலைக்காட்சியில் தெய்வமகள் என நடித்தார். இதில் தெய்வமகள் சீரியல் அவருக்கு மிகப்பெரும் அடையாளத்தை ஏற்படுத்தி கொடுத்தது. அதன் பின்னர் அசோக் செல்வன் நடிப்பில் வெளியான ஓ மை கடவுளே படத்தில் மீரா அக்காவாக நடித்து அனைவரையும் கவர்ந்தார்.
பகைவனுக்கு அருள்வாய், கேசினோ, ஆரியன் உள்ளிட்ட படங்களில் நடித்து வருகிறார். அடக்க ஒழுக்கமாக நடித்தும் போட்டோஷூட் எடுத்தும் வரும் வாணி போஜன் தற்போது கவர்ச்சிக்கு மாறி புகைப்படங்களை பகிர்ந்து வருகிறார். தற்போது, நடிகை நயன்தாரா லுக்கிற்கு மாறி அச்சு அசல் பார்க்க அவரை போல் இருக்கும் புகைப்படங்களை பகிர்ந்துள்ளார். இதனை பார்த்த ரசிகர்கள் பார்க்க அப்படியே நயன்தாராவை போல இருக்கீங்க என்று கருத்துக்களை தெரிவித்து வருகிறார்கள்.
